Prof. Qulamreza Səbri Təbrizin ölümü ilə əlaqədar
Bildirişi
Prof. Dr.Qulamrza Səbri Təbrizinin ölüm xəbəri bütün Azərbaycan toplumu kimi İsveç Azərbaycan Federasyonu üzvlərini da dərindən üzmüşdür. Təbiətcə sakit, dözümlü və insanlığın bir çox yüksək özəl dəyərlərini özündə birləşdirən bu gözəl insanın itirilməsi bizim üçün ağır bir itgidir. Böyük Britaniyanın Edinburq kimi Dünya çaplı bir üniversitetin bütün bilim və yaşam imkanlarına baxmayaraq, Təbrizə yaxın olsun deyə Bakıya yerləşən Dr. Səbrinin yurd sevgisi bir örnək olaraq Azərbaycan Türk Millətinin xatirəsində həkk olmuşdur. O, ömrünün son 25 ilini demək olar ki, vətəni Azərbaycanda yaşamaqda davam etdi. Yeniyetmə çağlarını Azərbaycan Milli Hükuməti dönəmində keçməsi, gənc Qulamrzanın milli ruhlu olmasında böyük rol oynamışdı. O, ömür boyu Güney Azərbaycanın bir illik azadlığını xatırlayır və özünün ən qudsal xatirəsi kimi dilə gətirirdi. El bu üzdən də 20 dən çox kitabının hamısında öz yaşam fəlsəfəsinin kökünü milli istiqlala bağlayırdı. Vətən həsrəti, Mənim iki dünyam, Qürbət harayı, Xudafərin, Parçalanmış millət, Seyid Cəfər Pişəvəri, Sahilsiz Dəniz, Güney Azərbaycan tarixi Siyasi və kültüroloji müstəvidə vb. əsərlərinin təməlində millət və vətən dayanmaqdadır. Prof. Dr. Qulamrza Səbri Təbrizlinin xatirəsi hər zaman yad ediləcək və onun işıqlı yolu gəncliyimizə nur saçacaqdır.
Yolu yolumuz, adı-sanı çırağımız olsun!
İsveç Azərbaycan Federasonu (AFİ) İdarə Heyəti
